راولپنڈی کے کنٹونمنٹ جنرل اسپتال میں ایک سنگین واقعہ سامنے آیا ہے، جہاں اسپتال کے واش روم میں خواتین کی نجی ویڈیوز بنائے جانے کا انکشاف ہوا ہے۔
اسپتال کے سکیورٹی سپروائز نعمان کی مدعیت میں تھانہ کینٹ میں مقدمہ درج کیا گیا۔ واقعے کے مطابق، جب واش روم میں ایک خاتون نے چیخ و پکار کی تو سکیورٹی عملہ فوراً موقع پر پہنچ گیا اور ملزم کو گرفتار کر لیا۔
ملزم کے موبائل فون سے نازیبا ویڈیوز برآمد ہونے پر پولیس نے مزید کارروائی کرتے ہوئے اسے حراست میں لے لیا اور تفتیش شروع کر دی ہے۔ پولیس کا کہنا ہے کہ ملزم کے خلاف قانونی کارروائی کی جا رہی ہے اور مزید حقائق سامنے آنے کے بعد مقدمے میں اضافی دفعات بھی شامل کی جا سکتی ہیں۔
