جیکب آباد: پولیس حراست میں لڑکی سے مبینہ اجتماعی زیادتی کے مقدمے میں گرفتار 6 پولیس اہلکاروں کے خلاف تفتیش کے لیے کیس ایف آئی اے کے سپرد کر دیا گیا ہے۔
جیکب آباد کی عدالت نے گرفتار 6 اہلکاروں کا دو روزہ ریمانڈ بھی جاری کیا ہے تاکہ قانونی کارروائی اور تفتیش جاری رکھی جا سکے۔
ایس ایس پی جیکب آباد کے مطابق دو تھانے دار مقصود سنجرانی اور نواز بروہی کو بھی تحقیقات میں شامل کیا گیا ہے۔ ابتدائی الزامات کے مطابق تھانہ آر ڈی 52 کے ایس ایچ او سمیت 7 اہلکاروں پر بچی سے مبینہ زیادتی کا الزام تھا۔
وزیر داخلہ سندھ ضیاء الحسن لنجار نے اس واقعے کا نوٹس لیتے ہوئے متعلقہ حکام کو فوری کارروائی کرنے کی ہدایت کی تھی۔
