واشنگٹن: ٹرمپ انتظامیہ نے کولمبیا یونیورسٹی کی فلسطینی طالبہ لیقا کو گرفتار کرلیا۔
غیر ملکی میڈیا کے مطابق فلسطینیوں کے حق میں آواز بلند کرنے والے طالب علموں کے خلاف ٹرمپ انتظامیہ کی کارروائی جاری ہے اور کولمبیا یونیورسٹی کی فلسطینی طالبہ لیقا کو بھی گرفتار کرلیا گیا ہے۔فلسطینی طالبہ لیقا کو ایف ون اسٹوڈنٹ ویزا کی معیاد ختم ہونےکی وجہ سے گرفتار کیا گیا۔
اس کے علاوہ حماس کی مبینہ حمایت کرنے پر بھارتی طالبہ رنجنی کا اسٹوڈنٹ ویزا بھی منسوخ کردیا گیا ہے جب کہ ہوم لینڈ سکیورٹی محکمہ کا کہنا ہےکہ طالبہ کو ڈیپورٹ کیا جائے گا۔دوسری جانب ٹرمپ انتظامیہ نے کولمبیا یونیورسٹی کو ایک شعبے کا کنٹرول چھوڑنے کی ڈیڈ لائن دیدی۔واضح رہے کہ اس سے قبل ٹرمپ انتظامیہ مظاہرین کے ترجمان محمود خلیل کوبھی گرفتارکرچکی ہے۔
